Lanius garrulus [ spec. nov.]

L. remigibus secundariis apice membranaceo colorato, cauda integra.

Ampelis remigibus quibusdam apice membranaceo terminatis. Fn. svec. 179.

Garrulus bohemicus. Gesn. av. 703. Aldr. orn. l. 12. c. 18. Will. orn. 90. t. 20. Raj. av. 85. Alb. av. 2. p. 25. t. 26. Frisch. av. 32. f. 1.

Garrulus carolinensis. Catesb. car. 1. p. 46. t. 46.

Habitat in Europa & America boreali; aestivat supra Sveciam.

Vibrissae ad rostrum nullae, quemadmodum in Turdis, a quibus etiam Rostro breviore apice magis incurvo differt; Nares setis tectae ut in Corvis; proxime autem dubia avis Laniis accedit; facies ex fascia oculari non repugnat, sed baccivora, nec rapax. Remiges secundariae squama colorata terminatae. Nutritur Baccis Sorbi.