Sphex figulus [ spec. nov.]

S. atra, abdomine subpetiolato: marginibus segmentorum lucidis.

Habitat Upsaliae in parietum ligneorum foraminibus ab aliorum insectorum larvis factis relictisque, quae primo purgat circumroditque, deinde fundum argilla obducit, cui Araneam imponit, eique ovulum concredit, quo facto nidum argilla claudit. Larva apoda, pallida, larvisque Apum similis, consumta Aranea membranam luteo-fuscam & tenerae pupae aptissimam net. Una mater perplurimos nidos construit & plerumque non ultra biduum in quovis adornando consumit. T. Bergman.

Alae abdomine breviores. Abdomen petiolatum atrum marginibus segmentorum lucidis, fi quis eos a capite oblique intueatur.

* * Abdomine subsessili.