Lasius (Chthonolasius) citrinus Emery, 1922

García, Fede, 2019, O subxénero Chthonolasius Ruzsky, 1912 (Hymenoptera: Formicidae) en Galicia, no contexto ibérico., Arquivos Entomolóxicos 21, pp. 179-192 : 180-181

Lasius (Chthonolasius) citrinus Emery, 1922

— San Mamede, Portomarín, Lugo, 42°47’53”N 7°39’14”O, 415 m, 17-VI-2019, beira de piñeiral. 2 obreiras baixo pedra.

Especie paleártica occidental ( Seifert, 2018), citada na Península Ibérica co nome Lasius affinis (Schenck, 1852) de Huesca e Pontevedra ( Collingwood & Yarrow, 1969) ( Fig. 1a ). Espadaler (1979) rexístraa como L. affinis no Pireneo catalán, pero a partir dun macho, comentando o propio autor que a cita é dubidosa. Posteriormente Seifert (1988) confirma a dificultade de identificar a casta masculina. O nome Lasius citrinus foi proposto como nome de substitución por Seifert (1990).

Habita en bosques e as ṡas beiras, aniñando en troncos e entre as raíces ( Seifert, 2018). Non se coñecen moitos datos sobre os seus hospedeiros, pero hai citas con Lasius brunneus (Latreille, 1798) ( Seifert, 1990) e Lasius niger Linnaeus, 1758 ( Antonova, 2004).

Nas obreiras é das raras especies do subxénero cunha identificación relativamente sinxela, e distínguese pola ausencia ou pouca presencia de quetas nas tibias e escapos (só pubescencia), os escapos relativamente curtos e, especialmente, polo pecíolo estreito e moi escotado dorsalmente ( Seifert, 1988, 2018) (Táb. I; Fig. 2 ).

Figures

Fig. 1.- Citas de Chthonolasius coñecidas en Iberia. Círculos amarelos: citas bibliográficas; cadros vermellos: citas novas. a.- L. citrinus. b.- L. mixtus. c.- L. sabularum. d.- L. umbratus. e.- L. meridionalis. f.- L. bicornis. g.- L. jensi. h.- L.

Fig. 2.- Obreira de L. citrinus. a.- Habitus, vista lateral. b.- Detalle do pecíolo. c.- Cabeza, vista frontal.